Mirza ghalib sahab ke baare main kuch bhi kahna gunah hoga... unhi ke alfazon main qo qud kahte hain....
                           Hui muddat ki Ghalib mar gaya par yaad aata hai....
                           Woh har ek baat pe kehna ke yoon hota to kya hota....

Ghalib sahab ki ek gazal arz hai... mujhe pata hai shayad bohot se logon ko yeh samajh nahi aayegi...Umeed hai ke jisko samajh aayi wo shadaab hojayega...




                             Har ek baat peh kehtay ho tum ke " tu kya hai?"...
                             Tumhi kaho ke yeh andaaz-e-guftugu kya hai...


                             Na sholey main yeh karishma na barq main yeh ada...
                             Koi batao ke woh shokh-e-thund o khu kya hai...


                            Yeh rashk hai ke woh hota hai hum-sukhan tumse...
                            Warna khauf-e-bad'aamozi-e-udu kya hai....


                             Chipak raha hai badan par lahoo say pairahan...
                             Hamari jaib ko ab haajat-e-rafu kya hai....


                             Jala hai jism jahan dil bhee jal gaya ho gaa....
                             Khuredtay ho jo ab rakh, justuju kya hai...


                             Ragon main daudtay phirnay ke hum nahi qaa'el...
                             Jab aankh hi say na tapka to phir lahu kya hai...


                              Woh cheez jis kay liye ho hamain bahisht azeez...
                              Siwaey baada-e-gulfaam-e-mushkabu kya hai...


                              Piyoon sharab agar kam bhee to dekh loon do chaar...
                              Yeh sheesha-o-qadah-o-kooza-o-subu kya hai...
  
                              Rahee na taaqat-e-guftaar aur agar ho bhi...
                              To kis umeed pe kahiye keh aarzu kya hai....


                              Bana hai sheh ka masahib, phiray hai itraata...
                              Warna shehar main 'Ghalib' ki aabru kya hai....